李治廷太Dry恨拍拖
歌手李治廷與農夫成員陸永和C君，前晚出席時裝品牌Aape BY A BATHING APE®新店開幕活動，李治廷揚言恨拍拖，希望找個女朋友：「我成日都喺健身室、錄音室或拍戲，唔好話女友，就算男性朋友都識唔到，呢三年都冇識過新朋友。最近我朋友喺微博識到朋友，大家都好啱Key。（你係公眾人物喎？）唔驚，我大個仔，識得分係好係壞！（喺網上識番個女友？）又唔會，不過我真係想搵個女友，太孤獨。（公司唔畀拍拖？）冇話唔准，總之我仲未遇到啱Key！」他又自爆曾試過一季用了五萬多元置裝。
此外，陸永被問到會否為兩個月大的女兒買母親節禮物送給太太？他說：「全部結咗婚嘅男人都會話BB係送畀你最好嘅禮物，但我唔會，不過我相信父親節時老婆會咁同我講。」並計劃母親節當日會與媽咪、太太及外母一同食飯，正為買禮物而頭痛。而C君則表示會請家人到台灣旅行。
C君（左起）、陸永、黃又南、徐天佑和李治廷，一同出席新店開幕。