黃宗澤落訂Mark實杏兒
黃宗澤（Bosco）、林峯及周麗淇等前晚為無綫音樂總監鄧智偉的《平行回憶演唱會》擔任嘉賓，方逸華、樂易玲及陳嘉桓等捧場。有傳內地演員于波力追胡杏兒，身為男友的Bosco似乎未驚過，還信心十足的說：「係先算！（落咗訂？）買樓咩？杏兒都話好小事，人哋喺網上讚吓啫！不過我都掛住佢，之後去上海拍嘢都想探吓佢。（有冇共識結婚？）想搵多啲錢買間Penthouse先，大概3年左右啦！（買定求婚戒指？）你又知我冇買過石，不過唔講幾多卡。」阿峯則抵死說：「叫佢快啲，唔係撻訂點算！」
林峯（右）手多多研究Bosco的眼妝。
周麗淇新劇於網上被偷播，她呼籲劇迷留待足本才觀看。