薛凱琪抑鬱 酒溝安眠藥自殺

薛凱琪承認曾經患上抑鬱症，當時病情嚴重的她常有尋死念頭，更靠鎅手來減輕內心的痛苦，甚至用酒送安眠藥自殺，母親因此被迫與她分開居住，傷透母親的心。

薛凱琪（Fiona）患上抑鬱症前毫無先兆，她於2008年做舞台劇時情緒反差極大，經常哭泣及開始暴瘦：「有次喺髮型屋叫外賣，個湯底嚟錯咗，我喊到癲咁，嚇死我個髮型師，嗰陣時思維已經唔正常。」當她拍攝電影《人間喜劇》時，飾演的角色有點癲，曾被讚拿捏得好，她說：「因為嗰排真係癲o架嘛！」

病情最嚴重時，Fiona每晚要服食3種強勁的安眠藥才能入睡，但亦因食藥而難以醒來，被迫告訴唱片公司她患上抑鬱症。她坦承當時內心那種無形的痛很辛苦，更開始鎅手：「鎅完又好似舒服啲。」腦海時刻都有想死的感覺，更試過用紅酒送安眠藥自殺：「其實潛意識知個分量唔夠，但都博一博，要死就死。」有一晚她感到有股強烈力量推她去死，情緒崩潰喪喊，連自己都驚：「諗到死咗嘅話爹哋媽咪好傷心，拍緊套戲又累人爛尾蝕錢，開始知自己有病。」她哭着打電話給好友方大同求救，當時她說：「我想自殺，你可唔可以Stop我。」

逼走母親

患病期間，Fiona跟母親不時拗撬，因而令病情加重，醫生認為兩母女不宜溝通，母親遂搬出去住，Fiona知道母親相當心痛，她說：「我覺得好Sorry！」抑鬱症纏擾Fiona一年，來得突然，亦走得快，經過服藥及心理輔導，還有好友及神的支持及愛護，她說：「依家大家傾番識得笑。」她還留着醫生開給她的一盒藥放在床頭作紀念。