鄭嘉穎昨日出席馬場活動，問到被冼灝英力斥自我，他說：「如果有人感到唔舒服，我喺度講聲對唔住，唔好意思。」問會否感到被中傷？他說：「每人有每人睇法，熟我嘅人明白就夠。我係專業演員，唔可以每日同人傾偈，我唔係公關，唔會同人搞氣氛。我繼續用呢個原則，唔會為其他人生活。（同冼師傅傾番件事？）尊重言論自由，我有我立場。」而藝人黃智雯亦到馬場湊熱鬧：「着咗紅色鞋旺吓！」
此外，洪金寶名下愛駒崇山寶昨日再度奪標，為洪金寶贏得逾42萬獎金。
面對是非，嘉穎坦言會堅持原則。
洪金寶拉頭馬後與騎師薛寶力興奮合照。
