高鈞賢與葉翠翠早已傳出緋聞，但同時他又暗交日本女星Haruka，盛傳一腳踏兩船。對於緋聞男友高鈞賢再次「越軌」，在夜場被女孩包圍兼任坐大髀，翠翠昨日受訪時表示不會呷醋或感到不開心，她透過電話說：「我梗係冇唔開心！我哋唔係拍拖，只係傳緋聞，但大家係好朋友。（好多女圍住佢？）佢一向都好受歡迎，其實後生仔去飲吓嘢都冇乜問題，唔少年輕人都會！（佢去玩之前有冇向你備案？）咁又唔使，大家只係朋友啫！」至於高鈞賢另一緋聞女友徐子珊，昨日截稿前仍未回覆。
港姐出身的徐子珊亦曾與高鈞賢傳緋聞。（資料圖片）
