楊思琦灑淚向媽媽道歉

新手媽媽楊思琦為母親節特備節目擔任司儀，別具意義！她更即場致電母親致謝，還忍不住哭着向母親道歉，場面感人！

楊思琦與薛家燕等前晚擔任節目《媽媽真的愛您》司儀，思琦提供她和女兒的照片給大會在節目上播放，又即場致電母親說：「好多謝你咁愛錫我，尤其是我佗BB時，我知你好擔心我，辛苦晒你！到依家自己做咗媽媽，就知做媽媽嘅辛苦。」聽到女兒如此貼心的告白，思琦媽亦勉勵她說：「無論你喺出面遇到幾大嘅風雨，屋企人係百分百支持你！」此時，思琦即忍不住哭着說：「媽咪好對唔住呀，令你咁擔心我！我會努力工作同照顧BB，更加錫你同孝順你o架！」

而帶同父母及大女到場的徐淑敏就透露會送自製的香水給媽媽，問到兩女之母的她如何慶祝母親節時，她笑說：「希望老公會同個女做啲手作仔畀我啦！」

倩婷媽流晒口水

至於劉倩婷帶同母親及弟弟亮相，未婚夫李丞責亦有到場幫忙，令倩婷媽讚不絕口：「好開心個女搵到個咁好嘅伴侶，佢係個好女婿！」另外，楊思琦、袁嘉敏及李思雅等日前到長隆水上樂園拍節目，以泳衣上陣的思琦明顯未收身，身形肥嘟嘟。