陳逸璇着Jumpsuit出嫁

模特兒陳逸璇昨日與墨西哥男友Marc在金鐘婚姻登記處註冊，身穿白色Jumpsuit的她姍姍來遲，解釋是行錯路。她指Marc在意大利佛羅倫斯的酒店露台跪地兼取出兩卡幾鑽戒求婚，既驚喜又浪漫：「婚後會留港。（造人？）過兩、三年先。」二人今日會到峇里行禮，稍後在墨西哥搞婚宴：「峇里主要請親友，香港會喺12月3號喺金鐘香格里拉酒店補擺酒，到時請圈中人。」

陳逸璇讚老公高大靚仔、浪漫又熱情：「佢錫屋企人同我，仲有上進心，好得人鍾意。（有冇送物業畀你？）冇。」Marc則承諾愛她今生下世，認真Sweet。

陳逸璇指註冊儀式很感動，又爆老公眼濕濕。