馬德鐘拖仔入場PG家長指引
昨晚不少藝人踏入博覽館追星，當中以卓韻芝的低胸打扮最搶鏡，而身穿透視裝的謝婷婷則笑言為媽咪狄波拉「探路」：「佢有飛o架！但驚畀人踩死，所以叫我睇吓點先，未知會唔會嚟。」而任達華與琦琦則考慮帶囡囡捧場：「睇吓有冇意識不良，再決定帶唔帶個女嚟。」但陳奕迅與馬德鐘則大無畏帶子女入場，陳奕迅與徐濠縈帶着女兒由職員通道入場，而馬德鐘則說：「媽咪喺度有家長指引，所以唔驚！」獨自睇騷的丁子高透露，大肚老婆楊千嬅因未能捧場而不快：「我一陣入場會打畀佢。（怕兒童不宜？）唔怕，我個仔識分辨o架啦！」
此外，藝人徐自賢與組合HotCha成員Crystal分別偕男伴捧場，但一見記者即彈開，Crystal強調對方只是由外國返港的朋友：「老闆畀飛請我哋睇，之前有幫內地朋友買黃牛飛，佢哋都覺得好貴。」而劉嘉玲則在微博公開一張場內自拍照，並興奮地表示等開騷。
化濃妝的卓韻芝（左）拋胸搶鏡！
劉嘉玲等開場期間自拍。
張智霖與老婆袁詠儀拍拖睇騷。
透視上陣的婷婷，笑言為媽咪拉姑「探路」。
馬德鐘一家三口睇演唱會，不擔心意識不良。
陳奕迅與徐濠縈睇騷時，不忘為囡囡康堤遮面。
林青霞（右一）難得睇騷，與任達華夫婦排排坐。
丁子高禁止大肚老婆千嬅睇騷，難怪千嬅在微博撒嬌稱「被困在家中」。
年紀唔輕的甄楚倩，閃爆打扮不遜後生女。