多棲林峯捱眼瞓聲沙
官恩娜、林峯、苗僑偉、黃智賢和張嘉兒等，昨日凌晨在尖東夜總會門外拍攝無綫新劇《雷霆掃毒》的掃場行動場面，由於現場有不少途人圍觀，期間更有兩輛貨櫃車因看拍戲而發生輕微碰撞。
林峯透露原計劃下月出唱片，但因忙拍劇未能抽空錄歌，即使唱片封套拍完，但出碟計劃被迫延期：「拍劇要我等冇難度，最辛苦係歌、視一齊嚟，趕趕吓劇又返內地剪綵，之後又返嚟拍劇，幾乎冇瞓過，搞到聲都沙埋，所以冇狀態錄歌。」同場的苗僑偉演警員型爆，但造型服底下卻熱爆：「我最怕熱，六、七月最想放暑假！」而官恩娜則表示最怕被蚊叮。
歌、視兩忙的林峯，昨日凌晨與官恩娜一同拍劇。
張嘉兒（左二起）、林峯、黃智賢和苗僑偉等，齊齊在尖東拍攝掃場行動。