Baby獨家賣「曉明大哥」
Angelababy與黃曉明的戀情愈來愈浮面，昨日她主持有份投資的第三間Cafe開幕儀式，化身柯德莉夏萍造型拍攝宣傳照，更自爆會獨家出售至愛的「海綿蛋糕」（曉明大哥），她說：「你哋唔好誤會，諗多咗！我向來都鍾意食海綿蛋糕。（應該帶另一半？）呢度好多人，下次有包廂先。」問到可會與曉明投資？她說：「唔知。（唔想有錢銀轇轕？）都係，會影響感情，唔想冇咗朋友。」提到她早前在微博發表「炸飛機」失言一事，她表示只是抱怨說話，她說：「啲人話想睇真正藝人一面，我做番自己亦會繼續玩微博。（怕唔怕Fans聽到你言論而真去炸飛機？）唔會。」對於有指她到無錫別墅密會黃曉明，她起初支吾以對，其後稱大家開心就得，又希望大家將注意力放在其工作上：「唔好提太多其他嘢。」問到被影到婚戒時，她舉起雙手，表示手上有兩隻戒指，並已戴了兩年。
Baby投資的第三間Cafe開幕，開心到爆。