翠翠冇膽搵婚姻介紹人
Mandy Lieu、林莉、葉翠翠及古天樂昨日在沙田馬場行騷。Mandy表示仍未找到男友：「你驚我嫁唔出呀？介紹吓啦！（識番個馬主？）冇喎！馬主好有錢、好多時間同埋好有愛心，養馬同養女朋友差唔多。（目標係識馬主男友？）咁又唔係，眼光唔可以咁窄，隨緣！」恨拍拖的翠翠不太擔心嫁不出，還笑言有朋友將《盛女愛作戰》中婚姻介紹人Mei Ling的電話號碼給了她，但沒有勇氣致電對方：「打去同佢講『你好，我係葉翠翠呀！』我覺得會好尷尬！（定個目標幾時搵佢？）呢一、兩年內啦，我信緣分。」她不介意參加《盛女》明星版，因說不定會有意外收穫。而林莉自爆最近與幾位追求者約會。對於被拍到約會台灣男模高宇橋，她自言從沒考慮投入感情，跟對方只是朋友。
林莉（右起）、葉翠翠和Mandy均不擔心嫁唔出。