海倫娜新挑戰搞笑攞Fun

【駐英國記者章怡直擊】再度和鬼才大導兼男友添布頓（Tim Burton）及巨星老拍檔尊尼特普（Johnny Depp）合作的海倫娜寶咸卡特（Helena Bonham Carter），今次將怪誕經典電視劇《怪誕黑家族》（Dark Shadows）改編成哥德式喜劇搬上大銀幕。日前海倫娜在倫敦接受本報專訪，她表示在片中扮演酗酒精神病醫生茱利亞荷夫曼醫生，角色跟自己完全不同，很有趣，是新嘗試，要演得好難度極大！問到有否擔心題材偏門不為主流觀眾接受？她滿有信心地說：「片中夾雜咗唔同元素，有驚慄、搞笑，係一套帶搞笑成分嘅原著電影，娛樂性豐富，應該會吸引唔少人睇。」

提到經常跟萬人迷尊尼合作，海倫娜表示二人其實不常見面：「佢喺美國，我喺英國，只係工作時先有機會聚頭。相反添布頓同佢見得多，佢哋有相同幽默感，對事情嘅睇法都好接近。」問到與男友添布頓在片場合作跟家中溝通可有分別？她笑指二人溝通方式輕鬆，添布頓在片場較幽默，但當導演很辛勞，晚上疲態盡現；不用開工時則悠閒得多，有另一種樂趣。