陳僖儀粉飾玉手美甲天下

關心妍師妹、樂壇新人陳僖儀（Sita）除愛買衫、手袋外，亦瘋狂愛上色彩繽紛的甲油，在家中已擁有逾半百支不同顏色、效果的甲油。屬「貪靚精」的她覺得要做完美女人，整潔又漂亮的雙手是不可或缺。

去年進軍樂壇的Sita，加盟星娛樂唱片公司後，上月中推出處女碟，不負發掘她的「金牌經理人」黃柏高厚望，她自言明白要做一個專業歌手，除唱功最重要外，亦要講求包裝，故每次出席公開活動，必定以最美一面示人。

Sita未入行前愛看娛樂雜誌，經常發現攝記愛拍攝女星的手或腳是否整潔，她說：「記者寫啲Caption好抵死，笑啲女星對手又皺又乾，甲面又黃，腳甲油又甩晒，我睇到後就心諗：『係喎！如果有朝一日，我入咗娛樂圈，都要留意吓呢啲細微嘢』，唔好畀人笑。」

自入行後，因工作需要，Sita在短短一個月內，一口氣買了半百支甲油方便美甲，問到最愛的牌子及顏色，她說：「我乜牌子都要買，由幾蚊雞至兩百幾蚊嘅甲油都要買返屋企試吓，經驗所得，原來平到8蚊支嘅指甲，啲色都好靚，不過我偏愛粉紅色同有白邊嘅法式修甲，搽咗會覺得對手特別白淨。」

為男友捨棄「假狗」

現時保持一周修一次甲的Sita讀大學時，曾因貪方便及不易刮花而愛上Gel甲，但被男友投訴後，她已不再做Gel甲：「男朋友話我啲Gel甲好假，好大舊。」其後，她又曾做「市場調查」，發現大部分男性都不愛女友做Gel甲，她笑說：「可能啲男仔唔鍾意『假嘢』啦！」

問到是否已成搽甲油能手？Sita笑住搖頭，自嘲是粗「手」大意的人，以往自己動手搽指甲，多數會搽出界，又要抹掉重新再搽，結果花了一整夜時間都未能搽完十隻手指，最終由Sita媽變身美甲師親手為愛女代勞：「媽咪比我細心好多，佢搽得又靚又快，原來搽甲油都可以變成親子活動。」