小齊九霄驚魂畀雷劈

台灣歌手任賢齊前日由台北乘飛機來港轉飛南京,本來約4小時的航程,竟折騰了24小時才完成,飛機來港時更被雷電擊中,又被迫在香港機場捱通頂,令他飽受驚嚇。

小齊前日中午乘飛機來港,打算再轉飛南京出席昨晚的商演活動,豈料香港暴雨連場,以致他乘搭的航班無法降落,惟有飛往台北加油再起飛,直至晚上七時許才抵港,他更在微博自爆客機驚魂:「剛剛空中機身被雷電擊中,還好老天有保佑!」前晚他透過助手回應:「來來回回坐咗6個鐘,仲要被雷電擊中!好大聲好光,架機都震,事後機師廣播話被雷電擊中,但機上儀器正常,可以安心。」

但禍不單行,受到惡劣天氣影響,航班出現大混亂,小齊轉乘的南京航班多番延遲,與助手在機場呆等的他,按捺不住在微博發牢騷:「旅客們折騰的快昏過去了……別心急發脾氣……來個深呼吸放鬆一下。」直到凌晨4時半他仍被困機場:「下機了!但還是在香港,等了半天又取消了……」等通宵的小齊於昨晨8時才成功登機飛往南京。

通頂Hea坐候機室

由台北到南京本來只需約4小時,最後竟足足花了24小時,昨午飛抵南京的小齊再透過助手說:「個人散晒,成晚喺候機室Hea。(好嬲?向航空公司索償?)唔會,但有啲忟憎。機場大混亂好多人,佢哋喺凌晨4點派咗2張餐券囉,以前喺大陸就試過咁,但諗唔到香港都會咁,對航空公司嘅安排好失望。」

另外,台灣樂隊蘇打綠原定前日從北京飛往內地準備個唱,但不足3小時的航程,受天氣不穩影響變成18小時,主音青峰在網上炮轟航空公司安排失當。

音樂組

小齊帶着行李在機場撲來撲去,身心勞累。(資料圖片)