曾愷玹無懼變剩女

台灣女星曾愷玹、陳煒及楊洛婷等前晚出席腕錶品牌晚宴，愷玹透露正拍攝校園劇：「我演女教師，冇感情戲，現實中我都係單身！（怕變剩女？）唔怕！（追求者？）有，可能我個性比較保守，要認識吓先！」提及前緋聞男友周杰倫（Jay）早前拒被狗仔隊叫全名兼涉打記者，她表示不清楚事件，但力撐對方脾氣好，不過已很少聯絡：「我未叫過佢全名，只係叫佢導演或Jay。（佢同昆凌合襯？）只要本人覺得合襯就夠！」

另一邊廂，Jay近日出席上海舉行的珠寶品牌活動，問到會否即場揀婚戒向女友昆凌求婚？他即大耍太極，並推周媽媽作擋箭牌：「可以看一下，但是媽媽沒有收藏珠寶！」另外，日前他更低調探訪弱勢兒童。

曾愷玹打扮簡約，但已很有味道。

陳煒以低胸裝上陣，勁搏！