伊健計劃娶YoYo

鄭伊健與蒙嘉慧向來愛得低調,但隨着女方日前公開二人同居,伊健前晚亦報喜坦承好事近,但不肯透露婚期,更揚言不會為鄭家留後!

鄭伊健與女友蒙嘉慧(YoYo)拍拖多年,一直甚少公開講感情事,不過YoYo日前大方透露正與伊健同居。而伊健前晚接受盛女Bonnie、Winnie及林曉峰主持的電台節目時亦回禮,春風滿面地暢談同居、結婚及生仔話題,關係大躍進!

問到何時與女友拉埋天窗?伊健說:「以前冇諗,依家覺得有需要,大家有共識!(有計劃?)係Plan咗好耐!(明年結婚?)唔係好想講幾時,怕畀人覺得我攞嚟宣傳!(因為你唔娶人,所以先畀人問?)每個人嘅模式有快、有慢!」他坦言不會生兒育女:「妹妹都唔生,好彩哥哥有生小朋友,令我冇乜壓力!」

戥邵美琪開心

提到前女友邵美琪與男星施祖男打得火熱,伊健說:「幾好吖!好開心,最緊要開心!(有聯絡?)少喇!(送祝福?)唔使,依家OK,當佢哋進一步發展當然要啦!」他坦言有睇無綫節目《盛女愛作戰》,並捧女友場:「女友有拍佢哋個特備節目,表現唔錯,不過講嘢可以流利啲!」

音樂組

伊健如沐春風,大方談情咪好囉!

YoYo(左)、伊健(右)

伊健前晚在電台節目談情說愛,接受Bonnie(右起)及Winnie等逼供。