丁子高笑千嬅似「叮噹」

準爹哋丁子高前晚出席活動時，大爆身懷六甲的老婆楊千嬅體重直逼他，又指千嬅肚大如籮，故取笑她叫「叮噹」，更已想好連串減肥計劃給老婆產後收身！

六月預產期的楊千嬅肚大如籮，丁子高前晚出席活動時表示，取笑老婆叫「叮噹」（多啦A夢）。問到是否因為千嬅增磅不少？他說：「今日出門口前，千嬅磅重，大鑊喇！佢仲差一、兩磅就同我一樣重。（即係幾磅？）超過140磅，其實千嬅塊面好瘦，只係長肚，個肚好大。依家佢開始腰痛，夜晚要用三角枕墊住條腰瞓。我已經諗定一連串減肥計劃畀佢生完減肥，佢生完要紮肚，千嬅話瞓覺都唔拆喎！佢唔擔心減唔番，有朋友生完紮肚仲瘦過未生。」

為免騷擾千嬅，丁子高表示睡覺時會與她保持距離：「我習慣瞓前錫佢一啖，之後會分開少少瞓，因為我瞓覺會郁嚟郁去。千嬅話個仔似我，好活躍，見佢個肚郁到好似打功夫咁，千嬅都有畀BB踢醒。（會唔會分床瞓？）我唔敢一個人瞓，慣咗同太太瞓。（會唔會幫千嬅按摩？）會，佢臨瞓會同佢按腳，做穴位按摩。」提到千嬅前晚外出吃飯，丁子高指她是跟公司同事飯敍：「佢每日都會出街，不過十點左右就會攰，我會不停打電話轟炸佢返屋企。佢依家夜晚十二點前就瞓，係現代灰姑娘！」

欣宜新歡舊愛碰頭

另外，鄭欣宜的「新歡」與舊愛在活動中碰頭，舊愛Mark Ryan直言不認識與欣宜傳緋聞的韓模崔豪晉，更拒絕合照，又表示仍與欣宜聯絡。至於崔豪晉大讚欣宜為人友善，亦不介意她的身材，更不排除與她有發展可能。