諸葛紫岐趕造人冇受壓
薛家二少奶諸葛紫岐（Marie）前晚出席活動時被指消瘦不少，她表示可能天氣太熱，問到是否因搏命造人？她尷尬地說：「咁私人唔識答！（努力中？）順其自然啦！都想趁嫩生，但生BB講福分，唔好有壓力。（夜夜不設防？）老公好忙，老爺奶奶都冇催，冇畀意見。」活動上，Marie身穿低胸露背裝示人，自言做足安全措施：「出門前有畀主席望吓，係愛嘅表現。」又坦言沒有性感底線：「老公認為靚就得！（老爺奶奶畀意見？）冇，知我有分寸。」
談及老公公司旗下歌手關心妍的助手被指易服，並與許廷鏗傳緋聞，Marie即力撐：「OK呀！好多男仔都會咁，Party玩都會咁着。（主席呢？）佢太Man，係男人中嘅男人，唔會易服。」
Marie以低胸露背裝上陣，自言已過老公一關。