李樂詩佗BB大仔呷醋
龍年娛圈排住生BB，其中懷孕五個月的歌手李樂詩，前晚腹大便便出席活動。本已有一子的她透露，腹中BB應該亦是兒子，現時重了約6磅：「囝囝知道就快做哥哥，有啲呷醋！」她又指早前與老公拍拖到土耳其旅行，但因掛念在港的兒子而提早返港，更打算一家三口於六月到夏威夷，與夫婿再度行禮，重現四年前在當地結婚的美好時光。
另一「有喜」的藝人MC Jin，昨日出席活動時透露下月返美陪老婆待產：「拍埋套新劇會返去幾個月陪老婆，依家心情愈嚟愈緊張同興奮！（改好名？）未有頭緒，中文名會畀外父同我爸爸改，英文名就會喺聖經入面搵。」
李樂詩腹大便便，企得耐便要搵位抖抖。
MC Jin稍後返美陪太太待產，緊張又興奮。