鄧穎芝驚畀張震嶽拒絕
歌手鄧穎芝（Vangie）日前到電台宣傳與台灣歌手張震嶽（阿嶽）合唱的新歌《超級想你》，她感激對方不收分文：「識咗佢好耐，有日膽粗粗打畀佢，問佢可唔可以寫首歌畀我，佢一口答應，都怕佢請食檸檬o架，首歌由作曲、填詞、監製都係佢一手包辦，仲一蚊都冇收我。」對於好友吳日言（Yan）遭星娛樂「炒魷」，Vangie說：「佢好似已經搵到新路向，聽講同王維基傾緊合作。」自由身的Vangie坦言Yan有拉攏她簽約新公司：「佢有問我過唔過去。」但坦言還欠唱片公司五位數：「依家要努力『跑山』還債。」
