譚晴後悔離家出走
歌手譚晴（Ricksen）早前與樂壇新人麥貝夷（Karene）和迪子，齊齊為剛推出首張廣東唱片的好友曹震豪（Wallis）音樂會擔任表演嘉賓，並跟Wallis在台上鬥唱。已多月未有出席唱歌活動的Ricksen說：「一直都好鍾意Wallis嘅聲音！好開心佢請我做嘉賓。」談到工作近況，Ricksen透露下月會推出一首以溫情為主題的歌曲，內容是講述大家投身社會工作後，經常會忽略家人，他正好有類似經驗：「試過自把自為突然走去英國，完全冇理會屋企人感受。後來因為工作同生活唔如意先返香港，但屋企人唔止冇嬲我，仲不停安慰同照顧我，令我感觸良多。」
譚晴（右起）、迪子及麥貝夷一同擔任曹震豪音樂會嘉賓，順道交流心得。