冼色麗花心擸晒Mr.五子

女星冼色麗最近參演以Band友為題材的電影，笑言主角Mr.不如想像般「狂野」，反而單純可愛，問到會選五子中哪位當男友？她說：「好難揀！可唔可以五個要晒？」認真貪心！

曾扮演不同角色的冼色麗（Bonnie），最近在電影《起勢搖滾》中飾演樂隊Mr.主音Alan的妹妹，主力負責感人的親情線，與Mr.五子有不少對手戲，她大讚五子各有性格，但不是想像中的「爆粗Band友」：「印象中玩Band嘅男仔比較狂野粗獷，但佢哋好乖好純！Alan直頭好似我真阿哥咁，我哋一開始就知演兩兄妹，所以之後相處佢都好照顧我！」

歌癮大發

Bonnie又逐一點評其餘四子的性格，先大爆有畫眼線的MJ最姿整，常貪靚照鏡，Dash則比較成熟，負責控制場面，她續說：「Tom就最貪玩，同Ronny係糖黐豆，但Tom最後生玩到出晒面，Ronny就間中彈句爛Gag，其實五個都好有趣！」問到誰最符合其擇偶條件？Bonnie考慮良久仍「揀唔落手」，笑說：「可唔可以五個要晒？綜合晒每個人嘅優點就最好，係咪好貪心？」她表示今次未有感情線，希望將來可多演愛情戲：「愈慘情愈好，深層次啲，咁先有得發揮。」

原來Bonnie曾以歌手身份推出歌曲，今次她拍攝有關音樂的電影，跟Alan練歌時更獲對方讚歌聲甜美，問到有否再起唱歌癮時，她說：「當時被讚完都有啲衝動，唱Live嘅感覺又好舒服，但暫時都係拍戲先！」