梁慧恩峇里影婚照遇巨浪嚇傻

先後與廖碧兒和莊思敏傳緋聞的富二代林忠豪堂弟林忠澤，與「RoadShow女」梁慧恩將於下月六日結婚，兩人早前到印尼峇里影婚紗照，返港後當地便發生地震，她大呼好彩，但與老公於當地取景時亦遇上驚險巨浪。

林忠澤與梁慧恩（Viann）拍拖近兩年，雖然經常陪女友返學，但兩人見面時間不多，為了能朝夕相對及名正言順做爸爸，林忠澤希望早日成家立室。而Viann婚後亦想早日為老公生BB，笑言如果一擊即中，她亦樂做少奶奶相夫教子，否則婚後會先完成中文大學的環保課程博士學位。由於老公家族低調，Viann表示當晚假灣仔君悅酒店設宴四十席款待親友並即席註冊，宴請的圈中人不多，但林忠豪亦會到賀。

腳軟影相

Viann今次特別選址峇里拍婚照，六日的行程可算是預支蜜月，而一班好友亦隨團出發，他們在當地舉行一個婚前派對。Viann對於三十位好友準備的驚喜派對感到相當感動：「佢哋竟然用半年時間排咗隻舞送畀我同老公，之後又放煙花，嗰一刻我好感動！」

除了驚喜派對，Viann透露還經歷了一個驚險的拍攝過程，畢生難忘但又非常值得：「攝影師帶我同老公去咗個崖邊，我哋行咗幾百級樓梯，上到去已腳軟，當時風高浪急，為了效果，攝影師要我哋企喺崖邊，好彩捕捉到浪湧一刻，我心諗再遲啲就畀浪捲走啦！」

在陽光下走遍多處拍婚照並不好受，Viann說：「設計師Noel Chu幫我設計兩套婚紗、一件旗袍同一件晚裝，影婚紗相嗰件係單肩設計同背部透視，我都好鍾意，只係影相時好曬有啲辛苦。我慣咗拍外景，辛苦都識得面對鏡頭笑，但老公就唔慣，講笑話終於明白藝人啲錢難搵！」