趙哲妤唔撐老友Santino
趙哲妤昨日與《盛女愛作戰》形象指導Angel及「Laughing女」王璐瑤，為食《盛女》熱潮開辦的課程影宣傳照，趙哲妤說：「我會講授儀態課，有6位數字收入，好搵過出寫真！（唔驚似Santino被踩扮專家？）唔驚！我選中國小姐攞過儀態獎，我教嘅唔係自創，而係專業嘢。」而Angel指《盛女》帶旺生意，問到是否做媒？她說：「真的假不了！若果開Part 2，我樂意幫手。」王璐瑤則表示將拍攝寫真，性感冇底線：「係咪露點要睇攝影師意向，倒吊、SM都得，但要藝術唔要低俗。」此外，趙哲妤前晚在活動上表示認識Santino：「係朋友唔可以踩咁盡，佢冇追過我，如果唔識佢，我會話唔太認同佢45度理論！」
趙哲妤（右起）與穿三點式的王璐瑤及Angel拍攝宣傳照。