吳雨霏睇Gaga騷 林德信冇份
吳雨霏（Kary）與英皇藝人詩雅同是樂壇天后Lady GaGa的粉絲，昨日兩人分別出席有關GaGa的活動，Kary表示已託朋友撲了兩張偶像的個唱門票：「係搭上搭先買到！（約林德信睇？）點解約佢？會同妹妹睇，反而妹妹唔想同我睇。」打扮前衞的Kary坦言膽量不及GaGa，她說：「膠紙黐重要部位實在太激，冇膽試。（三點式表演？）留番去沙灘先着，咁多人望住唔係好慣！」而與樂隊Mr.成員一同出席活動的詩雅表示，撲足一個多月門票都無功而回，對於有很多「炒燶飛」人士放上網蝕賣，詩雅說：「唔敢買，怕係假飛！」另一邊廂，有網友踢爆身在首爾準備今晚開騷的GaGa，被爆會帶同男友Taylor Kinney喜歡的內衣，在Skype視訊穿給他看！
Kary跟扮GaGa的小女孩一同跳舞，相當愉快。
詩雅（右二）撲不到GaGa飛，惟有與扮GaGa的粉絲合照。