湯盈盈串燒五寶阿佘最Dry
遭姚樂怡點名「指摘」的湯盈盈，以往為好友擔任姊妹時亦屢遭「投訴」，問到玩得咁盡會否怕遭「報應」？她笑說：「使唔使報仇心咁重呀？新郎哥睥咗我一眼，我知樂怡好驚胳肋底毛，咪幫佢老公整乾淨，等佢今晚梳乎啲。」梁靖琪此時即插嘴踢爆遊戲全由姚樂怡自度，湯盈盈聞言亦「交足戲」和應：「我又要被迫，又要被人冤枉，有啲想喊囉！」
湯盈盈強調不覺接新娘遊戲三級，並笑言由於經常與佘詩曼、梁靖琪、周家蔚及鍾麗淇齊做姊妹，故被封「串燒五寶」。由於眾姊妹只有阿佘未有着落，問到會否將花球讓給阿佘，湯盈盈笑說：「我唔會接囉！次次接都走光。」另外，湯盈盈前晚為無綫節目《玄美人生》錄影，與記者周旋於錢嘉樂表示「娶硬佢」這話題時，繼續大賣關子：「你哋屈佢講，真係講先算！佢冇同我講，唔知o架！（嫁硬佢？）唔知喎！」她又表示不會於今年結婚。
湯盈盈前晚出席節目錄影時透露，不會於今年結婚。