Eason借偷食示愛 阿徐打冷震
首位華人歌手在英國倫敦The O2 Arena開騷的陳奕迅（Eason），全場兩萬座位爆滿，當中不乏老外粉絲，更有歌迷從歐洲飛往當地欣賞，難怪他感驕傲。台上的他當着老婆徐濠縈的面撩女觀眾：「你可以今晚12點過後來我酒店房見，12點前唔好嚟，因為我老婆未瞓，但嚟咗我要睇清楚你係我Cup of Tea先，因為我老婆太靚，唔係人人都可以過關。」笑爆全場！他還獻唱情歌冧老婆，搞到阿徐縮膊感肉麻。
剛做完腳部手術的他坦言完騷後有點累，需爭取時間休息，因接着還有近20個騷。另外，Eason抵英時發現忘記戴耳機：「緊張咗兩分鐘，之後冇嘢，最緊要用心唱！機器只係輔助，結果對我一啲影響都冇。」
Eason邀女歌迷上酒店房，但原來藉此讚老婆徐濠縈靚女！
徐濠縈
Eason在老婆面前輕撫女舞蹈員，認真夠膽！