思琦補足百日「躉」待收身

單親媽媽楊思琦為復工搵「奶粉錢」，日前冒雨往美容院扮靚準備回歸幕前，但因仍在百日進補期，明顯繼續谷奶，「豪華臀」亦無所遁形。

早前於美國秘密誕下愛女楊卓穎（Krystal）的楊思琦，下定決心做單親媽媽，飛甩「空心老倌」吳帥後返港，靠一己之力撫養愛女。一度傳出患上抑鬱、將自己困在家中的她，幸好成功走出陰霾，近日更繼續為復出積極鋪路！日前下午二時半，素顏的思琦戴上黑超遮殘樣，冒雨駕車離開寓所，並直往尖沙咀。停車後，思琦由車內拿出雨傘，狼狽地急步走去附近一大廈的美容院。

思琦當日雖然一身密實打扮，但仍看得出未完全收身，上圍谷奶之餘，下身的緊身褲亦令「豪華臀」盡現。據知，思琦聽足媽媽吩咐，生BB後補足100日才開始減肥，故就算即將主持母親節特備節目《媽媽真的愛您》，亦無意開始收身。

幕前復工冇壓力

記者昨日致電思琦，正身在外地的她坦言對再投入工作感開心：「係呀！呢個係第一個節目。（會唔會有壓力？）都冇，不過好開心，可以接到呢個節目。（有冇特別嘢要準備？）冇呀！啲稿要之前一日先有。（驚唔驚唔慣？）盡量啦！盡量做到最好，希望唔好令大家失望。」至於日後的工作，她坦言要等待經理人通知，最近則忙於湊女為樂。