劉心悠歎慢板

人稱「宅男女神」的劉心悠，當年憑電影《阿嫂》來港發展。因天生一副美人胚子，由內至外的條件亦接近完美，故心悠當年首次拍戲便擔當女主角，數數手指已拍了不少電影。可是，心悠的情路完全談不上精彩，多年來沒有看過她跟男生約會，好聽點就會形容她為緋聞絕緣體，說穿了是「盛女」吧！心悠承認不用開工時，只愛跟幾個女生聚會，來個Girls' Talk。男生？可免則免！若然感到有男士具追求之意，她更會第一時間「落閘」，到底這位女神在想甚麼？她說：「其實講到拍拖，我真係一個好被動同怕醜嘅人，每次對住啲男仔，就好想離遠佢哋，若然我知道人哋擺明追我，我會Say No，我鍾意慢慢嚟嘅感覺，唔好畀我Feel到佢追緊我。」

邀嘉穎指點演技

其實心悠明知自己本應可以有很多追求者，但因理性的性格，阻礙了其桃花。她從未試過一見鍾情，相信將來也不會發生在自己身上。曾經有一位幕後人追求她，心悠也即時拒絕了對方：「其實我揀男友唔係要咩條件，而係講感覺，我個人好簡單，同埋好低B，所以啲人如果唔識我，真係會跌破眼鏡，即係話如果嗰一刻我Feel唔到，就唔會有發展。」

近日，心悠的感情生活終於有點眉目，傳出跟去年合作內地劇《步步驚心》的鄭嘉穎日久生情，問到他們是否有發展可能？她未有正面回應：「緣分呢兩個字好重要，因為我哋拍戲完咗之後，大家做自己嘢，但之前我做舞台劇，佢都有嚟呀！希望之後如果我再有舞台劇，我都會邀請佢嚟睇我有冇進步。唔驚再畀人傳？如果呢啲都要驚嘅話，我唔可以再同任何異性講嘢喇！」

唔溫柔自嘲怪胎

要解構這位女神的內心世界，其實好簡單，心悠只有女神外表，性格一點也不女生，理性想法令她對愛情思前想後：「我其實係怪胎嚟o架！有啲人用靚啲嘅形容詞就係特別囉！但其實係怪，我冇一般女仔嘅溫柔，性格好理性，做好多嘢我好冷靜。我諗我多少都有啲完美主義嘅性格，因為我有原則，所以我唔係女神，我只係人類！」

後記：反串扮Man

自稱是人類不是女神的心悠，性格和藹可親，每次見到她都有笑料。今次訪問她以男性化打扮上陣，並不停扮男人，不停問人自己像不像男人，最搞笑的是她靈機一觸說：「我依家個名唔係叫Annie，係Mani，好Man啊！」