林峯冧「傻妹」撩續前緣

林峯與鍾嘉欣早年因拍劇傳緋聞，事隔多年，嘉欣日前真情剖白，直認曾有與林峯拍拖的念頭，林峯聞言亦表示當年對嘉欣也有感覺，還開到聲恨再續劇緣！

林峯、苗僑偉（三哥）及黃智賢日前到大牌檔拍新劇《雷霆掃毒》，以往多演官仔骨骨角色的林峯，今次飾演火爆人士，笑言因要保持心中團火，結果說話時聲音也變得沙啞。

談到鍾嘉欣早前接受本報專訪時直認當年因外界受落她與林峯的情侶檔，故有一刻真的想與他相戀的念頭，林峯聞言直指對方傻妹：「傻妹嚟嘅，呢啲咪入戲囉！咁拍嗰時都有Feel，會心諗『係咪襯成咁？』都真係幾襯嘅，希望快啲同佢再合作啦！觀眾真係好接受我哋，雖然私下少聯絡，但好有默契。（當年會唔會抽離唔到角色？）嗰時入行好多年，好快抽離到啦！」

黃智賢骨膜發炎

同場的三哥於新劇有不少動作戲份，他自言是「後生仔」，絕對有足夠能力應付。而黃智賢對於同劇演員先後受傷，自己亦因穿皮鞋喪跑令腳背骨膜發炎，幸而吃了消炎藥已無大礙。談到老友鄭嘉穎近日同樣因工受傷，黃智賢揶揄對方「財多身子弱」。