張智霖追女不設防

張智霖（Chilam）前晚出席在澳門舉行的《軒尼詩顯赫之旅》，問到育有一子的Chilam會否再追女？他說：「都有計劃，最理想梗係有兩個小朋友，不過呢啲都係要睇天意。（不設防？）冇o架！我哋係正常夫妻，佢又唔係我二奶。」問到酒量如何？Chilam自誇千杯不醉，而太太則不好酒，試過飲醉要他善後。談及近期的「盛女」熱話，Chilam認為愛情應看緣分。

此外，早前因食物中毒嘔吐被指懷孕的關心妍，前晚與老公楊長智一同欣賞劉謙魔術表演時否認說：「朋友都問我係咪有咗，但真係冇呀！（趕生龍B？）今年都冇床位，唔生龍B咪生蛇B囉！」

Chilam認為愛情要靠緣分，不能強求。