GaGa難得來港開騷，圈中人人搶飛，辛苦撲首場門票的莊思敏卻表示「冇咗團火」：「可能同啲朋友分開睇，依家嗰晚仲可能有嘢做，去唔到可能要讓畀朋友！」而自認Ga迷的模特兒楊汀叮索性漂白頭髮迎接偶像，她說：「依家漂到個頭變金色，下星期會再漂白色去睇騷！」另一模特兒傅嘉莉手持首場門票，問到會否為偶像推Job？她說：「好彩暫時未有！如果係有，可能同公司講睇吓可唔可以推。（網上有人低過原價散飛？）可能買畀朋友，多啲人睇開心啲！」
莊思敏表示若開騷撞正開工，惟有向朋友割愛。
