區文詩「仔」愛回家
前Cookies成員區文詩（Angela）養了一隻6歲半的玩具貴婦狗，她說：「佢兩個月大我就開始養，佢係最細嗰胎，所以改名叫『孻仔』，其實養佢之前嗰晚我夢見養狗，第二日經過寵物店就見到3隻狗仔，其中一隻係孻仔，另外兩隻係佢哥哥。哥哥好活潑，但太嘈，所以我揀咗匿埋一角嘅孻仔。」她又指雖然孻仔毛色不算靚，但十分乖巧：「佢從來唔咬屋企啲嘢，仲識執玩具。佢有兩張床，一張擺玩具，一張瞓覺，佢每次玩完都會擺番啲玩具喺玩具床。」不過，她表示照顧孻仔亦有困難：「佢好易腸胃敏感，出街要好小心，用唔啱嘅洗頭水都會敏感。」她又指孻仔不會亂吠，而且好「黐家」：「有時去完人哋屋企玩，佢會入番狗袋等返屋企，又肯坐喺狗袋幾個鐘。我有諗過養多隻狗仔陪孻仔，但佢咁『腍善』，驚新狗蝦佢。」
Angela非常小心照顧體弱多病的孻仔，讓牠健康成長。
孻仔不會亂吠又黐家，是Angela眼中的乖乖仔。