汪圓圓爆子丹買禮「請槍」
名模馬詩慧、汪圓圓、琦琦及Lisa S.前晚出席活動，汪圓圓以大露背示人，全場最性感。提到姊姊汪詩詩快將生日，問到有否預備禮物？她說：「好辛苦搵到家姐想要嘅禮物，但姐夫（甄子丹）話冇時間買，叫我讓畀佢，我要搵過第二份禮物。」
至於馬詩慧被問到下月八日與王敏德結婚二十周年，預備了甚麼驚喜送給老公，她說：「咁冇矜持！梗係男仔畀驚喜女仔o架啦！」提到收過老公最難忘的禮物，她透露是一對金做的公公婆婆擺設，讚他有心思。而琦琦則表示老公任達華遺失的兩部手機仍未尋回，她透露手機有度假的泳衣照：「畀人睇到囡囡泳衣照就唔好，我唔想咁細喺咁多人眼光下成長。」
馬詩慧、Lisa S.、琦琦及汪圓圓等，排排坐睇時裝騷。
汪圓圓穿上大露背上陣，性感誘人！