羨慕朱茵母憑B貴 呂慧儀冇啖好食
新婚不久即傳有孕的呂慧儀與周家蔚，身形發展卻有天壤之別！前晚二人出席活動，呂慧儀明顯告別「新婚肥胖」，弗到漏油的她坦言全靠地獄教練老公鞭策：「我想食都冇得食！」暫沒生育計劃的她，十分羨慕朱茵母憑「B」貴：「生仔可能搵得仲多，你睇朱茵同Paul，八百萬喎！」又笑言不排除效法對方拍懷孕裸照：「老公唔知會唔會，佢啲肉好貴。」
周家蔚現孕味
至於愈見發福的周家蔚孕味甚濃，她表示度蜜月返港後重了六磅，即使做運動，磅數亦不減反增，她笑言被朋友追問是否懷孕：「邊有咁快？喺塞班嗰時不設防，不過返嚟之後太忙。」
呂慧儀身形甚弗，大晒美腿。
孕味濃的周家蔚（右）與王君馨同為港姐出身，前晚於活動碰頭。