焦媛半裸凍到震 雙手撳胸Sell樓盤
焦媛獲廣告商邀請，拍攝內地樓盤電視廣告，破格赤裸上身演出，她坦言不介意，惟拍攝時凍到騰騰震，令她印象深刻。
舞台劇女演員焦媛早前獲邀拍攝一輯內地樓盤電視廣告，因廣告公司意念新穎，焦媛需要赤裸上身拍攝，她說：「我都唔介意，佢哋有欣賞過我舞台上嘅大膽演出，我接受到（酬勞？）呢個唔係重點，最重要係個廣告好前衞。」焦媛僅以雙手按着胸部拍攝，她說：「其實過程都幾複雜，要等全部工作人員準備好，燈光打好晒，我先可以行出去拍攝。當時都有啲尷尬，因為好多男性工作人員喺度，自己惟有用雙手撳住以防走光，結果拍完後對手攰到冇力。」
跳芭蕾舞
焦媛表示拍攝時因赤裸上身而凍到騰騰震：「好在都有燈光射住，先唔會凍到講唔到對白。」廣告中的另外一個造型是穿芭蕾舞衣跳舞，幸好她曾有類似演出經驗，故可在拍攝中大派用場。
焦媛雙手按胸，以防走光。
焦媛在廣告中穿芭蕾舞衣大騷舞技。