吳日言唔憂嫁只想當媽媽

藝人吳日言早前到上海旅行時，迷上當地的「加料」羊肉，又試放孔明燈，許下星途大紅大紫的宏願，不過，拍拖多年的她卻不恨嫁，只想做未婚媽媽！

吳日言（Yan）早前被星娛樂請食「無情雞」後，隨即跟男友到上海旅遊散心3星期，她接受電話訪問時說：「去完上海後，心情好番好多，喺咁多日假期入面，我諗通咗凡事都唔好咁執着。」她感激相戀多年的男友在百忙中抽空陪伴，全程當她的「心靈導師」，為她解愁。

無羊肉不歡

Yan透露在上海的日子很開心，因每日都是食同玩，而在眾多上海美食中，她最愛「加料」羊肉：「聽聞上海嘅涮羊肉咁好食，係因為佢哋落咗一種叫『孜然粉』嘅調味料去醃肉，令羊肉冇咗羶味，肉味亦更濃更香！」她笑言像中了毒般，每天都要吃羊肉才安心，更買下大量「孜然粉」，打算在港嘗試烹調味道近似的羊肉，與好友分享。

望大紅大紫

除了飽嘗美食外，她還趁機遊覽各大名勝，並在黃浦外灘放孔明燈：「第一次放唔係好識，失敗咗，好在啲燈好平，只係10幾蚊人民幣一盞，我第二次就成功，放到好高！（寫咗咩願望？）大紅大紫，希望事業有新發展！」問到為何拍拖多年的她不祈求早日結婚，她覺得結婚只是一紙婚書，故不急於嫁人，反而很想盡快生BB，甚至不介意未婚產子，她笑言若將來決定結婚，也是為下一代着想，而非為求名分。