李丞責搵劉倩婷陪獻第一次

前港姐冠軍劉倩婷與未婚夫李丞責日前「拍拖更」到南京拍佛教節目，並首次開金口錄主題曲。工作之餘，他們亦忙於籌備年底的婚禮，誓要搞個一百分婚禮！

劉倩婷（Sandy）與風水師李丞責因合作主持《香港玄案》撻着，李丞責月前求婚成功，二人再拍檔做主持可謂駕輕就熟，日前便飛到南京拍攝有關佛教及「佛頂骨舍利」的節目《同願同行》，Sandy直言此行大開眼界：「能夠親眼近距離睇到現存唯一嘅佛陀釋迦牟尼『佛頂骨舍利』，真係好難得，遲啲香港佛教界會將佢帶嚟香港供奉，會有開幕典禮，到時王菲都會嚟唱心經。」二人此行更寓工作於拍拖，一舉兩得。

除了出外景，Sandy與李丞責日前亦已為節目灌錄主題曲，向來鍾意唱歌的她笑稱自己只是業餘，希望為節目出一分力。

而首次開金口的李丞責則說：「今次係為咗宣揚佛教而唱，我唔係太鍾意唱歌，但希望透過呢首歌將訊息傳畀人，佛教嘅觀念係冇分高低！」

婚禮要求盡完美

雖然工作忙不停，他們亦不忘籌備年底的婚禮，Sandy直指要預備的事又多又繁複：「點都會龍年結婚，我想將件事做得好啲，令賓客、所有人有個開心嘅晚上，所以每樣嘢都會做到最好，依家婚禮場地都已經有心水。」