志偉遇惹火神獸 飄移輪揸
曾志偉、陳小春、謝天華及鍾麗淇等前晚錄影無綫節目《五覺大戰》廠景最後一集，帶同主持錢嘉樂的女友湯盈盈到場，講明「情到濃時」會爆料！嘉樂直言與女友同場「預咗被玩」：「洪天明已經警告過我，其他人都話我死硬！（怕志偉逼婚？）唔會咁衰啩？」提到被指與《盛女愛作戰》參賽者Bonnie似樣，他亦笑言有兄妹相：「佢好似搵番失散大佬咁，不過佢係女仔，靚啲！《金像獎》當日有人叫我Bonnie，我應咗先算！」
錄影前，志偉與兩位身材火辣的神獸天使「騰騰雞」蔡慧欣及「講唔猿」白雲玩飄移Game，玩到全身蛋糕，志偉笑說：「佢兩個係咁揸住我下面……條褲呀！」合照時，白雲「彈彈吓」出場，志偉即大笑狂嘩。另外，小春玩遊戲時不慎整傷額頭流血，但貼上膠布後即繼續錄影。
蔡慧欣（左起）、曾志偉及白雲玩完遊戲笑騎騎，盡興而回。
錢嘉樂與湯盈盈雙雙亮相，預了被玩。