好姊妹蔡少芬聞喜訊開心到癲

朱茵懷孕可喜可賀，藝人朋友紛紛送上祝福，好姊妹蔡少芬昨日接受電話訪問時興奮地回覆：「我依家開心到癲咗！恭喜晒佢哋吖！」而吳鎮宇則說：「咁咪好囉！係開心事，佢喺微博講梗係『晒』啦！（心得？）最緊要係餵飽個仔，母乳係媽媽同BB互動時間。」至於田蕊妮則向偶像送上恭喜：「我喺微博睇到佢哋張相，影得好靚，睇到好有愛、好感動，（想唔想佢哋公布婚訊？）冇咁嘅需要，佢哋喺大家眼中係好恩愛嘅一對，一紙婚書唔重要。」另外，黃德斌恭喜老友Paul：「冇聽佢講過，呢排忙拍劇冇見過佢，總之戥佢開心！」而曾與Paul拍《淘氣雙子星》的李克勤都在微博祝賀。