商天娥滕麗名有你冇我

商天娥與傳不和的張兆輝、滕麗名及沈卓盈，昨日在九龍灣拍攝處境劇《結．分＠謊情式》煞科戲，娥姐語帶激動地說：「我係專業演員，一向低調，唔搞小動作。（聲譽受損？）絕對有影響！之前老闆（張兆輝）都講，傳聞誤會唔會放喺心，有機會再合作。（同阿滕合作？）盡量避免，費事多是非，可能我直腸直肚，但你情願朋友有機心定透明度高？（劇集因不和急停？）冇急停，咁講係捏造！我有咁大能力，去咗做高層！」而阿滕被問有否與娥姐說起不和報道時指：「唔覺有嘢要傾！（約食飯？）好少成班食飯，呢期又感冒。（同娥姐話不投機？）都冇傾過，連投唔投機都唔知。」

商天娥與張兆輝因合作處境劇而傳出不和，但兩人依然大方合照。

滕麗名指與商天娥「冇嘢要傾」！