上屆盟主劉嘉玲 睇好葉德嫻封后
有份角逐今屆金像獎影后的葉德嫻和角逐最佳女配角的劉嘉玲，前晚一同出席活動，葉德嫻表示每位候選人機會均等：「會以平常心看待，我知道人人都偏心想我得獎，好多謝大家。」如果再摘影后，她也不會特別獎勵自己。問到可會看好劉嘉玲奪女配角？她即讚對方是個好演員，還透露當晚會擔任表演嘉賓唱歌。
劉嘉玲則以性感低胸裝亮相，對於葉德嫻看好她得獎，上屆影后嘉玲說：「我睇好佢至真，頭先合照我都話佢拎獎拎到手軟。（羨慕？）唔會，佢嘅成就係佢應得。（咁睇好邊個做影帝？）個個都好，我唔揀。（偏心邊個？）個個都偏心。（偉仔到時會唔會陪你出席？）佢去都冇嘢做（冇提名）。」此外，提到早前有指她在微博下載舒淇的陳年艷照，她說：「我係想睇吓佢點解刪走微博同咁嬲，入到去都唔係嗰啲相。」
葉德嫻（右）和劉嘉玲甫見面即寒暄一番。