秦沛：睇好霆鋒曾江
資深演員秦沛（Paul）憑電影《桃姐》嫖客一角，成功入圍提名「最佳男配角」，將與王羽、盧海鵬、曾江、謝霆鋒等演技派一較高下，未知Paul哥能否繼86年的《癲佬正傳》、93年的《新不了情》後，再下一城奪取金像獎最佳男配角？
Paul哥未敢多想贏面有多大，他說：「我連入圍都冇諗過，但真係唔好意思，我冇睇晒咁多部作品，但曾江嘅《竊聽風雲2》有睇，佢咁有經驗梗係好啦！不過《新少林寺》嘅霆鋒機會都好大，所以我到時都係抱住參與盛事心態出席，咁攞到當然開心。」他又表示頒獎禮當晚會以西裝Look上陣，與同片劇組人員行紅地氈。
而與該片導演許鞍華相識數十載，今次才正式合作，Paul哥大讚這位老朋友對電影有誠意，每部作品均有水準，故亦寄望對方能在頒獎禮大豐收。
秦沛從來未想過入圍，只抱着參與盛事的心態出席。