惠英紅未選當贏

影后惠英紅讓賽角逐「最佳女配角」，對手分別有劉嘉玲、桂綸鎂、秦海璐和蘇杏璇，惠英紅坦言能憑動作片入圍已當勝出。

曾兩奪金像獎最佳女主角的惠英紅，今年憑動作片《武俠》角逐女配角，英皇電影《讓子彈飛》的劉嘉玲、《桃姐》的秦海璐，氣質女星《龍門飛甲》的桂綸鎂和實力派的蘇杏璇有份爭獎。惠英紅表示有機會再獲提名感到榮幸，問到有否信心脫穎而出？她說：「候選得邊個唔係勁㗎？今次四個都勁，機會均等。」她認為動作片在頒獎禮較蝕底：「我喺電影入面有限嘅篇幅做到咁多嘢出嚟，有動作、溫情嘅發揮，會係一個大優勢，但唔知評審睇唔睇得出呢一點。不過，動作片入選我已覺得贏咗！」

有麝自然香

曾兩奪影后的惠英紅今次力爭「女配角」，她不覺是倒退，她解釋配角可起帶動性作用，引導整部電影發展：「去到我呢種年紀、呢種資歷嘅藝人，好多導演同監製會透過我哋去演呢種骨幹角色，人哋搵得你係畀面。試問如果你冇咁嘅實力，又點會有人會搵，所以我係開心嘅！」她又指每個藝人到不同的階段，都有不同的存在價值。