吳千語如在夢中 連詩雅殺出血「露」

萬丈高樓從地起，現今影壇巨星誰不是由新人做起？今年則有兩位靚女加入影圈等待上位機會，連詩雅和吳千語脫模闖影圈，首次擔綱演出便能角逐「最佳新演員」，也許兩人就是未來的影壇巨星！

新人吳千語年僅18歲，由模界轉戰影圈便於電影《開心魔法》中擔正，並角逐「最佳新演員」，能夠入圍，吳千語直言恍如發夢︰「好驚喜，真係冇諗過會入圍。」不過今年新人競爭激烈，四位對手連詩雅、蕭敬騰、盛鑑及鄭爽均具實力，但她睇好鄭爽奪獎︰「我喺內地同佢同公司，而且我覺得佢喺演技好好。」談到早已認識的本地薑連詩雅，她坦言未有因爭獎而損害感情，更大讚對方：「我覺得佢好Sweet好努力，佢中文唔好但花好多心機睇劇本，係一個有潛力嘅藝人。」

未有怯場

面對如此勁敵，吳千語未有怯場，但坦言得獎與否已是一場好夢︰「如果有幸攞係Bonus，但攞唔到我唔會唔開心，因為之前冇諗過會被提名，所以我當已經拎咗，而且呢個係好大鼓勵同動力，因為自己有人肯定！」

青春無敵！現年23歲的「歌影模」三棲女歌手連詩雅（Shiga），去年憑處女電影《喜愛夜蒲》的性感激情演出，令人刮目相看，Shiga不再局限純情玉女形象，殺出新血「露」，她坦言接受到健康性感，更認為女人有性感一面會更加動人，而她最煞食之處源於一雙修長美腿，俘虜了不少宅男！而她更憑《喜》片獲得金像獎「最佳新演員」獎提名，與勁敵吳千語、台灣靚聲王蕭敬騰等，鬥個你死我活﹗

莫大鼓舞

談到獲獎信心，Shiga坦言有份提名已當勝出：「有提名已經好意外同開心，因為真係冇諗過，過往一直喺屋企睇金像獎直播，今年終於親身感受行紅地氈的感覺，係莫大鼓舞。」外界愛將她和新進玉女吳千語比較，但她強調未有影響姊妹情，並大讚對方：「我覺得佢幾好，我哋兩個係唔同類型，我有少少Wild（野性），偏向型格路線。（睇好邊個？）我睇好蕭敬騰，因為大家同公司，而且唱歌好有感情，唱歌都可以咁放，相信做戲都可以。」對於外界常指靚女只是「花瓶」，但Shiga絕不認同，她認為每位演員也努力付出，更希望打破「有靚樣、冇演技」的框框。