劉美君拍拖搵Fans做電燈膽
劉美君（Prudence）日前偕混血兒男友帶同粉絲暢遊迪士尼，一行十人玩個不亦樂乎，她笑說：「我童心未盡，都大唔透㗎！」男友專程來港探望，但Prudence拉埋粉絲一齊去拍拖，她笑言男友未有呷醋，她早已視粉絲為家人看待：「佢哋好抵錫，我唔係佢哋親人，佢哋都咁關心、愛錫我，我鍾意親近佢哋，仲好似媽咪咁會Check佢哋功課，要睇佢哋成績。」
Prudence跟男友拍拖三年，雖然分隔異地，但感情有增無減，男友每兩個月都會來港跟她會面。她坦言暫未想過再婚：「依家好啲，唔使特登，結唔結婚冇關係，我哋真係好夾，搵唔番第二個。」問到男友有型靚仔，有否擔心？她坦言很放心，彼此感情是慢慢建立，對男友很有信心。
雖與男友分隔異地，但劉美君暫無意再婚。