王馨平翻Hit 鄭嘉穎有飯吔
鄭嘉穎、黃浩然和胡定欣等昨日宣傳無綫劇《拳王》，鄭嘉穎專程由上海返港造勢，有指他半年內接三劇共賺三千萬，他說：「係就好呀！即一套劇一千萬？邊有咁犀利呀！點解傳親我啲嘢，唔係片酬就係緋聞。」談及他與王馨平的舊情被電影翻炒，事後有人翻舊帳指王馨平父親王羽覺得當時的嘉穎「冇出息」，嘉穎說：「之前都回應過，小事啫！楊千嬅同Linda（王馨平）都話唔好意思，要請我食飯。」無綫最近多用外援演員拍劇，嘉穎覺得是好事，因有新對手可起化學作用。而胡定欣被問及舊愛吳浩康疑在街頭揭索女裙，她說：「唔知、唔答。」
至於近期翻Hit的王馨平，前日下午一身富貴打扮攻平民時裝店，揀百多元的吊帶背心及透視裝，揀足一個鐘收穫甚豐。她遇見記者時友善地揮手，問到近期會否多去唱卡拉OK及為復出做準備？她只說：「冇呀！」便匆匆離開。
鄭嘉穎和胡定欣即場切磋造勢。
王馨平以富貴打扮「濕平」。