莊思敏暗寸吳浩康變質

吳浩康疑在街上向女友人動作不規矩，他否認兼自爆與該女子交往。其舊愛莊思敏則指吳浩康過往亦算規矩，但暗踩人會變！

樂隊Closer成員之一的吳浩康（Deep），前晚錄影節目《勁歌金曲》時，為早前被拍到公然在街上向一名女子疑動作不規矩解畫。他聲稱該女子叫Hazel，是一名模特兒，兩人正經交往了兩個多月。問到是否拍拖？Deep說：「一路發展中，之前兩次公開都有壓力，穩定啲先算。（當街疑對該女子不規矩？）件事寫得好肉酸，我邊有摸胸啫！當日係大風，我撳低佢條裙而唔係揭起。我又唔係冇屋企，唔需要喺條街咁做，我又冇呢方面嘅表演欲。」他指報道後，曾與對方聯絡。

「以前冇咁對我」

Deep的前女友莊思敏前晚出席電影《陽光姊妹淘》首映時，對於舊愛近日的新聞，她說：「如果好熟嘅攬腰都唔過分，但揭裙底就有啲保留，正常男女都唔會啦！（佢過往好猖狂？）以前冇咁對我，但人會變嘅。」同場的歌手鍾一憲則否認與同居「空少」是情侶：「如果將來我單身冇拍拖，都應該係會同呢個男仔朋友住，除非佢結咗婚啦！」而羽翹變尖下巴與過往有別，她說：「剪咗頭髮嘛！（個下巴尖晒喎！）係瘦咗嘅。」她否認羅力威簽約英皇後遭棒打鴛鴦。此外，莊思敏和呂慧儀昨日穿Deep V裙，為莎莎活動擔任模特兒。