歌手方力申昨日接受媒體訪問，提到早前再被網友拍得與女友鄧麗欣拍拖外遊返港，他解釋只是同在北京工作，問到是否夫妻檔搵錢？他說：「係情侶檔，未有結婚打算。」曾與女友歐遊的他強調不會秘婚：「邊逃得過大家，依家真係好大壓力，父母都催婚。（簽字好快？）係咩？畀啲時間我。」問到是否有腰骨、有膊頭？他即笑說：「佢（鄧麗欣）勁啲，佢一個養全家，我仲有細佬，父母又有做嘢。（幫手養未來外母？）好難，但都有請飲茶同送吓禮。」
方力申想表達有腰骨，卻變成挺胸擺甫士。
