苗僑偉睇好芷晴食娛圈飯
苗僑偉（三哥）昨日以代言人身份宣傳產品，並穿上拍廣告時的服飾，大擺型佬甫士。他透露獲品牌商送贈兩部產品，準備與太太戚美珍一同享受，還笑指任代言人有折扣，故已大量訂購產品送給親友。
對於老友黃日華的22歲女兒黃芷晴近日以模特兒身份進軍娛樂圈，三哥大讚世姪女皮膚白淨又靚女，絕對有條件在娛樂圈工作，問到其子女是否同樣有興趣時，三哥笑說：「暫時未有呢個反應，書都未讀完，等佢哋自己揀啦！如果唔鍾意逼佢都冇用，咁華哥個女可能鍾意影相或者畀人影呢！（有乜提點佢？）有咩華哥都教晒，如果第時有機會合作會照顧吓佢。」
